Le
poesie stabiesi inedite
'O Rusario a 'a Maronna
È
accummenciata ‘a dodicina
e
‘na voce, ogne matina,
me
sceta ‘a dint’‘o lietto
e
‘o core me sbatte ‘mpietto:
“Fratielle
e surelle ‘o rusario a ‘a Maronna…”
e
‘sta voce, ‘mpustata a fronna,
canta
‘sta cantilena antica
e
chianu chiano se sceta ‘o vico
e
‘ncielo saglieno tanta preghiere,
comm’a
‘nu viento doce e leggiero
e
vanno dint’‘o core d’‘a Vergine Santa,
ca
è ‘a Mamma ‘e tutte quante!